Kanabisa :: Historia

JATORRIZ HIMALAYA INGURUKO MENDIETAKOA, GIZAKIAK MILAKA URTETAN ERABILI DU KANABISA

Sokak eta oihalak egiteko beharrezko zuntzak lortzeko landua, bere erretxina sendagai gisa erabiltzen zuten espasmoak, loaren gorabeherak eta oinazea arintzeko.

XIX. mendean Europan sartu zuten Napoleonen soldaduek eta Indietatik itzultzen ziren ingeles sendagileek. Kanabisa medikuntzan erabiltzen zuten migrainak, asma eta epilepsia sendatzeko.

Gaur egun, zientzialariek THCren ahalmen terapeutikoak onartzen dituzte oinazea eta okadak (antiemetikoa) zenbait gaitzetan arintzeko. Ipar Ameriketako zenbait estatutan, baita Britainia Handian eta beste europar herrialde batzuetan ere, kimioterapiaren mende dauden gaixo onkologikoei kanabisa erabiltzea baimentzen zaie, baita hies gaixoei jateko gogoa pizteko ere.